Amalungelo abantu ayingxenye abalulekile ezimpilweni zabo bonke abantu, amalungelo wena, kanye nawo wonke umuntu, esinawo, ngoba singabantu. ENingizimu Afrika, uMthethosisekelo uvikela amalungelo awo wonke umuntu – uMqulu wamaLungelo, otholakala Esahlukweni Sesibili soMthethosisekelo, uqukethe lamalungelo. Kubalulekile ukuthi wazi uMqulu wamaLungelo ngoba uvikela amalungelo akho ezepolitiki kanye nokuhlala – ngakho ke onke amalungelo azokuthinta njalo ekuhlaleni.

UMqulu wamaLungelo uvikela “bonke abantu ezweni lethu”, lokhu kusho ukuthi kusebenza kubo bonke abantu eNingizimu Afrika, noma ngabe abazona izakhamizi. UMqulu wamaLungelo futhi uyacacisa ukuthi umbuso (wonke umuntu okuhulumeni) kumele alalele uMqulu wamaLungelo.

Into ukuthi… uMqulu wamaLungelo mude! Noma kufanele ukuthi wonke umuntu afunde yonke into, kodwa kunzimana ukuwuqonda. Ngakho-ke, ukukusiza sihlanganise uhla lwamalungelo abalulekile ayi-10 okumele uwazi aseMqulwini wamaLungelo. Lokhu kufingqwa okwenziwe lula kuzokunika isiqalo sokwazi amalungelo akho kanye namalungelo abanye- kuhle angithi?!

Nanti uhla lwamalungelo abalulekile ayi-10 onawo futhi okumele uwazi:

1) Ukulingana

Ilungelo lokulingana yilungelo lokuqala kuMqulu wamaLungelo. Isigaba sesi-9 soMthethosisekelo sithi “wonke umuntu uyalingana phambi komthetho, futhi unelungelo elilinganayo lokuvikelwa ngumthetho nokusizakala ngoMthetho.” UMthethosisekelo wethu muhle kakhulu ngoba uyasho ukuthi akekho umuntu okumele abandlulule omunye ngenxa “yobuhlanga, ubulili, ukukhulelwa, isimo somuntu kwezomshado, ubuzwe noma umphakathi umuntu adabuka kuwo, ibala, ubulili umuntu azifanisa noma afaniswa nabo, iminyaka, ukukhubazeka, inkolo, unembeza, inkolelo, isiko, ulimi kanye nokuzalwa.” Ngalokho, noma ngabe umhlophe noma umnyama, uyisitabane, awusona noma awuqondile ngokobulili, umncane noma umdala, uyi-Muslim, ungu-Mkhrestu, ungum-Hindu, Awukholwa, kanye nanoma yini phakathi kwakho, sonke sibukeka silingana futhi sinamalungelo alinganayo. Kodwa ukulingana kuMthethosisekelo kuyaqhubeka kulokhu! Uyakhumbula ukuthi ngenxa yobandlululo kanye nokungabi nobulungiswa kwaphambilini, umbuso ungawaphatha ngokuhlukana, ukuzama ukuqinisekisa ukuthi singumphakathi olingana kakhulu kusasa.

2) Isithunzi somuntu

Wonke umuntu ongumuntu ufanele ukuthi ahlonishwe. Ngaphansi koMqulu wamaLungelo wonke umuntu eNingizimu Afrika unelungelo lokuthi isithunzi sakhe sihlonishwe futhi sivikelwe. Ilungelo lesithunzi liqinisa futhi leseka amanye amalungelo amaningi kuMthethosisekelo. Isibonelo; ngungaba nzima ukuthi umuntu aphile impilo enesithunzi ngaphandle kokuthi abe nokudla noma amanzi – lokhu kuveza ukuthi ilungelo lokudla kanye namanzi lihlangene nelungelo lesithunzi.

3) Inkululeko nokuphepha komuntu

Lena yindlela yobumeli yokuthi wonke umuntu unelungelo lokuthi angaboshelwa into engekho, futhi akekho umuntu okumele ahlushwe noma aphathwe ngendlela engenabo Ubuntu. Kuphinde kusho ukuthi wonke umuntu kumele akhululeke kuzo zonke izinhlobo zodlame, noma ngabe bayaphi.

Uma ucabanga ukuthi ilungelo lakho lenkululeko lephuliwe noma ngabe ukuphi ungathatha isinyathelo– thola manje lapha.

4) Inkululeko kwezenkolo

“Wonke umuntu unelungelo lokuba nenkululeko kanembeza, eyenkolo, eyokucabanga, eyenkolelo kanye neyombono.” Lokhu kusho ukuthi ungakholelwa kunoma yini oyithandayo – futhi kusho ukuthi kumele uhloniphe ilungelo lawo wonke umuntu lokukholelwa kunoma yini abafuna ukukholelwa kuyo.

5) Ukuveza imibono ngokukhululeka

Izwi lakho kanye nombono wakho kubalulekile. Futhi uMqulu wamaLungelo uyakuveza lokhu. Ngaphansi kwaleli lungelo, unelungelo lokusho lokhu ofuna ukukusho, uma nje kungabukeli phansi noma kungaqhudelani namalungelo abanye abantu. Enye ingxenye ebalulekile yaleli lungelo ukuthi livikela inkululeko yabezindaba. Lokhu kubalulekile ngoba kusho ukuthi abezindaba kanye namaphepha bazimele, futhi abalawulwa uhulumeni, futhi banelungelo lokubika izindaba ngendlela abacabanga ukuthi ilungile.

6) Izindlu

Wonke umuntu ohlala eNingizimu Afrika unelungelo lokuthola izindlu. Lokhu kusho ukuthi unelungelo lokuba nophahla phezu kwakho futhi kungumsebenzi wombuso (uHulumeni) ukuqinisekisa ukuthi wonke umuntu uyalithola ilungelo lakhe. Kodwa ilungelo liyabona ukuthi ukuhlinzeka wonke umuntu ngezindlu kuyabiza futhi, ngakho-ke, esikhundleni sokufuna ukuthi umbuso uhlinzeke ngezindlu kuwo wonke umuntu ngokushesha, uMthethosisekelo uthi uMbuso awuhlinzeke abantu abaningi ngezindlu njalo ngonyaka, kuze kube wonke umuntu uyakwazi ukuthola lelo lungelo.

Leli lungelo libalulekile ngoba lithi akekho umuntu ongakukhipha endlini noma ongathatha Indlu yakho ngaphandle kokuthi inkantolo isho njalo.

Uma wena, noma umuntu omaziyo, esatshiswa ngokuthi uzokhishwa endlini, uma ucabanga ukuthi ukukhishwa endlini akukho emthethweni, kunezinhlangano ezingakusiza. Thola kabanzi lapha.

7) Ukunakekelwa ngezempilo, ukudla, amanzi, nenhlalakahle

Kubekwe kwacaca Esigabeni sama-27 soMthethosisekelo ochungechungeni lwamalungelo amaqondana nezempilo. Unelungelo lokunakekelwa ngokwezempilo, okubandakanya ukunakekelwa kwezempilo okuqondene nokubeletha, okubamndakanya ilungelo lokuthola izivikeli kukhulelwa. Kodwa-ke, njenge lungelo lokuthola izindlu, leli lungelo kumele libonwe ngokuqhubeka, esikhundleni sokubonwa zisuka nje. Lokhu kusho ukuthi, ngokuhamba kwesikhathi, wonke umuntu kumele akwazi ukuthola ukunakekelwa kwezempilo, noma ngabe abanjalo okwamanje. Kodwake, wonke umuntu unelungelo lokuthola ukunakekelwa kwezempilo njengamanje, futhi akwazi ukubona udokotela noma athola ukunakekelwa okuphuthumayo kwezempilo uma ukudinga. Ngaphansi kwaleli lungelo unelungelo lokudla kanye namanzi.

8) Izingane

Ngaphansi kwamloMqulu wamaLungelo, izingane (wonke umuntu ongaphansi kweminyaka eyi-18) namalungelo ahlukile. Lamalungelo abhalwe Esigabeni sama-28 soMthethosisekelo futhi athatha izimfuno zezingane njengezibalulekile kakhulu.

Amalungelo ezingane ubandakanya:

• Ilungelo lokuba negama nobuzwe ngesikhathi zizalwa.
• Ilungelo lokuba nomndeni noma umuntu ozonakekela ingane.
• Ilungelo lokuthola ukudla okunomsoco, indawo yokuhlala, ukusizakala ngokwelashwa okuyisisekelo kanye nokusizakala ngezenhlalakahle.
• Ilungelo lokuvikelwa ekuphathweni ngendlela engafanele, ukunganakekelwa, ukuhlukunyezwa kanye nokuphathwa ngendlela eyehlisa isithunzi – leli libaluleke kakhulu!
• Ilungelo lokungaphoqwa ukuthi isebenze.
• Ilungelo lokungadingeki noma ukungavunyelwa ukuthi yenze umsebenzi “obeka engcupheni inhlalakahle, imfundo, impilo ngokomzimba noma ngokwengqondo noma ngokomoya, kwesimilo noma kobudlelwano nomphakathi, kwengane.”
• Ilungelo lokungaboshwa noma ukungaboshwa isikhathi eside. Uma ingane iboshiwe inelungelo lokuhlukaniswa kubantu abangaphezu kweminyaka eyi-18.
• “Lokuba nommeli okhishwe umbuso, ozokhokhelwa uhulumeni, emacaleni ombango othinta ingane, uma ukunganikezwa ummeli kungaba nomphumela wokwehluleka okukhulu kobulungiswa.”
• Ilungelo “lokungasetshenziswa ngqo ekulweni kuhlonyiwe, kanye nelokuvikelwa ngazo zonke izikhathi lapho kuliwa kuhlonyiwe.”

Khumbula la malungelo – abalulekile kakhulu futhi engenza umahluko omkhulu empilweni yakho. Uma ungaphansi kweminyaka eyi-18, futhi ucabanga ukuthi amalungelo akho awahloshwa.

9) Imfundo

“Wonke umuntu unelungelo lokuthola imfundo eyisisekelo, kuhlanganisa imfundo eyisisekelo yabantu abadala; kanye nelemfundo eqhubekayo, okufanele ukuthi umbuso ngezinyathelo ezifanele uyenze iqhubeke nokutholakala futhi kufinyeleleke kuyona.”- Isigaba sama-29 soMthethosisekelo waseNingizimu Afrika #enoughsaid

Imfundo ibalulekile futhi sonke sinelungelo lokufunda ukuze siphumelele empilweni. Uma ucabanga ukuthi izakhiwo esikoleni sakho, noma izinga lemfundo olutholayo lingaphansi, kunezinhlangano ezingakusiza ukuthi uthathe ilungelo lakho.

10) Kunamanye amalungelo ayi-18 abaliwe kuMqulu wamaLungelo angakusiza ukuthi uphile impilo enesithunzi, ungafunda kabanzi ngawo wonke lawa malungelo lapha. 

Uma ucabanga ukuthi khona owephula amalungelo akho ungabayekisa! Thatha isinyathelo manje.

The post Umqulu wamaLungelo – amalungelo abalulekile appeared first on Keep It Constitutional.

UMthethosisekelo ubala wonke amalungelo kanye nezibopho bonke abantu baseNingizimu Afrika abanakho. Ngumqulu onamandla kakhulu njengokuba kungumthetho omkhulu kakhulu ezweni futhi bonke abantu kumele balandele imithetho yawo, noMongameli imbala, amalunga ePhalamende noma abazali bakho kanye nothisha.

Yingani kumele ube nendaba noMthethosisekelo?

“Bonke abantu eNingizimu Afrika” kusho bonke abantu eNingizimu Afrika, bayo yonke iminyaka – hhayi abadala kuphela. Ngakho-ke, noma ngabe uyingane noma ingane ekhulile, unamalungelo futhi abantu kumele bawahloniphe lawo malungelo.

Eqinisweni, wonke umuntu ongaphansi kweminyaka eyi-18 unamalungelo athile – amalungelo abantu abadala abangenawo. Kubalulekile ukuthi abantu bahloniphe amalungelo akho, futhi bakuhloniphe. Ulindelekile futhi ukuthi uhloniphe abanye kanye namalungelo abo futhi ukuthi ube yingxenye yomphakathi elandela umthetho (yilapho ingxenye yesibopho ingena khona).

Ukwazi kabanzi ngoMthethosisekelo wethu kusho ukuthi uma ucabanga ukuthi awuphethwe ngendlela efanele, noma ungathandi indlela isimo esikwenza uzizwe ngayo, ungakwazi ukwenza Ukuthatha Izinyathelo – futhi uzoba nomthetho ozokuvumela.

Ukwazi amalungelo akho, uzokwazi uma umuntu ewaphulile. Ilapho umemeza ngakho, futhi wazi kahle ukuthi izwe lakho likuphethe. Futhi lokho kulungile.

Uma ucabanga ukuthi amalungelo akho awahlonishwa kunezinto eziningi ongazenza. Thola kabanzi ngokuthatha izinyathelo lapha.

yini odinga ukuyazi

Kumele wazi ukuthi uMthethosisekelo uyakuvikela, futhi uyakusiza ukuthi ube nezinto ozidingayo ukuze uphile impilo enhle. Lokhu kungasho ukukwazi ukuthola imfundo, noma ukuphathwa ngendlela efanayo nabanye abantu. Futhi udinga ukuba nesiqiniseko sokuthi uphatha abanye abantu ngendlela efanayo (ngaphandle kwalokho ungazithola ususenkingeni ngokukhulu ukushesha).

UMthethosisekelo ungumqulu onamandla, kanti ukwazi kabanzi ngoMthethosisekelo kukunika amandla. Amandla okunquma ukuthi kumele uphathwe kanjani emhlabeni kanye nokuthi ubaphatha kanjani abanye. Qala uzifundise uMthethosisekelo manje – yisinyathelo ezibalulekile entsheni ukuthi isithathe.

Kuyabonakala ukuthi uMthethosisekelo uyamangalisa kakhulu: Uyakuvikela, futhi ungakunika ukuzethemba, ngoba uma wazi amalungelo akho uyakwazi ukuwamela, futhi lokho kwenza ukuthi uzigqaje ngokuba wuwe. Kuhle!

The post Yingani kumele sibe nendaba noMthethosisekelo? appeared first on Keep It Constitutional.

“UMthethosisekelo wethu ungumqulu obaluleke kakhulu ezweni lethu. Usinika amalungelo kanye nezibopho okusifanele njengezakhamuzi zaseNingizimu Afrika.” – Childlinesa.org.za.

UMthethosisekelo ungumthetho omkhulu kunayo yonke ekhona. Lokhu kusho ukuthi umthetho “ophezulu” futhi nayo yonke imithetho eNingizimu Afrika, kanye nezenzo zikaHulumeni, kumele kube ngaphansi kwezinto ezibekiwe kuMthethosisekelo. UMthethosisekelo awuhlinzeki kuphela isisekelo somthetho, uphinde uveze amalungelo wonke umuntu ohlala eNingizimu Afrika angawafuna futhi uchaza ukwakhiwa kukahulumeni.

Ukwamukelwa koMthethosivivinywa waseNingizimu Afrika ngonyaka ka-1996 kwaba yingxenye abaluleke kakhulu emlandweni wezwe lethu. Kwakungezinye zeziqephu zokugcina zaseNingizimu Afrika zomzabalazo woBandlululo kanye nekukholonaza futhi nokulwela inkululeko, kanye nokuqalwa kwisiqephu esisha endabeni yezwe lethu.

Emuva komzabalazo omude wenkululeko kanye nokulingana, abamele zonke izinhlanga, abasuka kuzo zonke izinhlangano zepolitiki kanye nezenkululeko zezwe, bahlangana ukuthi basebenze ndawonye ukubhala uMthethosisekelo wethu. Kwathatha okungenani iminyaka emibili nesigamu ukuwenza bese waqedwa mhla ziyi-8 ku-Meyi ka-1996.

Umongameli uNelson Mandela usayine uhlaka lokugcina loMthethosisekelo ukuthi ube umthetho mhla ziyi-10 ku-Disemba ka-1996.

Emuva kohambo olude, uMthethosisekelo wethu waqedwa ekugcineni. Uthathwa njengomunye wemithethosisekelo oyisibonelo wesimanje emhlabeni. Lokho kuhle angithi?

Usomqulu wamaLungelo 

UMthethosisekelo waseNingizimu Afrika usho izinto eziningi, konke kususelwa ezimisweni ezibalulekile iNingizimu Afrika eyakhelwe phezu kwazo – isithunzi, ukulingana kanye nenkululeko. Zonke lezi zinto zithinta wena kanye nezwe lethu, kodwa kunengxenye ezibaluleke kakhulu ukuthi iNingizimu Afrika izazi – okubalwa nawe! Izingxenye ezibaluleke kakhulu zoMthethosisekelo waseNingizimu Afrika uMqulu wamaLungelo Abantu, otholakala Esiqeshini Sesibili soMthethosisekelo.

Umqulu wamaLungelo Abantu uwuhla lwamalungelo eyisisekelo wonke umuntu eNingizimu Afrika anawo. Ezweni lenkululeko njengeNingizimu Afrika, amalungelo akho akunika inkululeko kanye nokuphepha okuningi okuvumela ukuthi uphathwe ngendlela enobulungiswa futhi ngokulingana noma ngabe ungubani. Izingane kanye nezingane ezikhulile zinamalungelo athile– amalungelo adinga ukuthi ahlonishwe yiwo wonke umuntu ezweni.

The post UMthethosisekelo waseNingizimu Afrika appeared first on Keep It Constitutional.

Uma ungagugula la magama ‘Uyini uMthethosivivinywa?’, kungenzeka uthole umphumela osho into ecishe ithi, “uMthethosisekelo isethi yezimiso noma izinto ezake zenzeka kuqala esekuthathelwa kuyo umbuso noma umhlangano okwenganyelwa ngakho.”

Uhhhh, kuyabongwa u Wikipedia, kodwa ngempela usho ukuthini?

Ngokomthetho, uMthethosisekelo uhla lwamalungelo abantu kanye nemihlahlandlela ehlala enhliziyweni yezwe futhi utshela thina zakhamizi zalelozwe ukuthi kumele sisebenzisane kanjani nohulumeni wethu kanye nathi sisodwa.

UMthethosisekelo usitshela ngalelozwe, futhi amalungelo afakwe kuMthethosisekelo avame ukusitshela okuningi ngomlando walelozwe kanye nezinkinga zalo zangaphambilini.

Abanye abantu bathi uMthethosisekelo ufana neresiphi yesizwe esiphumelelayo: imithetho ekuMthethosisekelo ayizithako, futhi uma usipheka kuhleze kunconywa ukuthi ulandele iresiphi ukuze uthole imiphumela emihle kakhulu! Ukungabi nayo iresiphi…lokho kuyiresiphi yenhlekelele.

Ngabe onke amazwe anawo uMthethosisekelo?

Akuwona wonke amazwe anoMthethosisekelo obhalwe phansi, kodwa onke amazwe anayo Isethi yezimiso Ezeseka umthetho walelozwe. Amanye amazwe, njengeNingizimu Afrika abhale uMthethosivivinywa efaka onke amalungelo kanye nemihlahlandlela kwezwe emqulwini owodwa, kanti amanye, njenge-United Kingdom kanye ne-New Zealand enoMthethosisekelo “ongabhaliwe” okusho ukuthi imithetho yamazwe abo itholakale emiqulwini eminingi, hhayi kowodwa.

UMthethosisekelo waseNingizimu Afrika 

UMthethosisekelo waseNingizimu Afrika ubaluleke kakhulu futhi uhlukile ngoba awusho nje kuphela ukuphela koBandlululo kanye nokuqaliswa kwezwe lothingo lwenkosazane olukhululekile futhi olunobulungiswa, kodwa uthathwa njengomunye ohamba phambili emhlabeni wonke jikelele. Ungathola kabanzi ngoMthethosisekelo waseNingizimu Afrika ngokucofoza lapha.

The post Uyini uMthethosisekelo? appeared first on Keep It Constitutional.

Yini ukugcine kungomthetho sisekelo?

Ukugcine kungomthetho sisekelo ngumkhankaso ofuna ukusiza wonke umuntu emzansi afrika, kodwa ikakhulukazi abafundi, ukuthi bafunde ngamalungelo wabo ngokomhetho sisekelo. Umkhankaso uzonceda abantu ukuthi bazi amalungelo wabo kumthetho sisekelo nokuthi kungani umthetho sisekelo ubalulekile emphakathini womzansi africa, ngoku nikezela ngolwazi ngeziqephu zemifanekiso yopopayi, ngama – blog post, nange mininingwane enkundleni zokuxhumana .

Umkhankaso uqhutshwa ngabe nhlangano yamalungelo wabantu besekelwe ngabo mnyango wezo bulungiswa nomthetho sisekelo nentuthuko nabenhlangano yabaseeurope (european union).

Kungani Umkhankaso Wokugcine Kungomthetho Sisekelo Ubalulekile?

Abantu abaningi emzansi afrika abawazi amalungelo wabo – ngokweqiniso, ngokocwaningo lwamanje oluthole ukuthi balinganiselwa kumaphesenti angamashumi amahlanu (50%) abantu base mzansi afrika abazi lutho ngomthetho sisekelo onikeza abantu base mzansi afrika amalungelo. Uma abantu bengazi ngamalungelo wabo, babasengcupheni yokuhlukumezeka. Umkhankaso wokugcina kungomthetho sisekelo ufuna ukusiza abantu bethathe amalungelo wabo, bephinde bezivikele ekuhlukunyezweni.

NGOKO MTHETHO SISEKELO WEMZANSI AFRICA

Uyini umthetho sisekelo?

Umthetho sisekelo yisiqalo sayo yonke imithetho emzansi afrika. Ugoqela amalungelo akhona kubo bonke abantu basemzansi afrika. Wonke umuntu emzansi afrika, ngisho nabantu abanamandla ezweni, kumele bewuhloniphe umthetho sisekelo. Nohulumeni naye uyambamba umthetho sisekelo. Ungafunda kabanzi ngesisusa womthetho sisekelo lapha -uyini umthetho sisekelo?

Kungani ubalulekile?

Umthetho sisekelo ubalulekile ngokwe zizatho eziningi. Ngumthetho ongaphezulu ukudlula yonke eminye imithetho emzansi afrika. Uphinde usitshele ngezwe umzansi afrika ofuna ukuba yilo – izwe eligxile esithunini, ekulinganeni, nenkululeko, okuyisiqalo samalungelo. Kufaka phakathi amalungelo asiza abantu bephile impilo enesithunzi, nokubamba abanye abantu, izinkampani, nohulumeni imbala, ekwenzeni okufanele.

Yiwaphi amalungelo akumthetho sisekelo?

Umthetho sisekelo ugoqela amalungelo amaningi, kufaka phakathi ilungelo lokuphila, ilungelo lokulingana, ilungelo lempilo enesithunzi. Ukufunda ngala malungelo kumthetho sisekelo kabanzi, cindezela lapha. -yiwaphi amalungelo akumthetho sisekelo?

ULUTHOLA KANJANI USIZO NGOKWE ZOMTHETHO

Ziningi izinhlangano emzansi afrika ezisiza abantu ukuvikela amalungelo wabo. Sinikeze ngolwazi ngokuthi ungaxhumana kanjani nezinye zazo lapha.

NGOKWABO THISHA NABAHOLI EMAQEMBINI OMPHAKATHI

Yiziphi izinsiza ezikhona maqondana nabothisha nabaholi bamaqembu womphakathi?

Izinsiza eziningi kugicne kungomthetho sisekelo zingatholakala ku-intanethi (downloaded), ngezabo thisha nabaholi bamaqembu emphakathini ukuzisebenzisa emagunjini okufundisa nase nhlanganweni zabo. Izinsiza ziyatholakala ngeziqephu zemfanekiso yobopopayi, ingxoxo eqoshiwe (podcast), nemklamo zezifundo (lesson plans) abothisha nabaholi bengasebenzisa imiklamo zezifundo njenge ndlela yokunikeza abafundi namalunga waqembu abo ngolwazi noma umsebenzi onikeza abafundi ulwazi olungezelelwe ngamalunga womthetho sisekelo nango mthetho sisekelo kazibuse emzansi afrika.

Ngingasebenzisa kanjani ukugcinekungomthetho sisekelo egunjini lami lokufundisa?

Ungakhombisa umfanekiso weziqephu zopopayi zokugcina kungomthetho sisekelo noma udlalele abafundi bakho ingxoxo eqoshiwe. Ungaphinda usebenzise imklamo yezifundo, noma uzithathe ukuze zilungele indlela ofundisa ngayo.

Ungaphinda futhi utshele abafundi bakho ngomkhankaso enkundleni zokuxhumana ngokugcina kungomthetho sisekelo, ozobanikeza imininingwane emisha ngomthetho sisekelo njanjalo uma kubanoshintsho*ngingasebenzisa kanjani ukugcinekungomthetho sisekelo egunjini lami lokufundisa?

Ungakhombisa umfanekiso weziqephu zopopayi zokugcina kungomthetho sisekelo noma udlalele abafundi bakho ingxoxo eqoshiwe. Ungaphinda usebenzise imklamo yezifundo, noma uzithathe ukuze zilungele indlela ofundisa ngayo.

Ungaphinda futhi utshele abafundi bakho ngomkhankaso enkundleni zokuxhumana ngokugcina kungomthetho sisekelo, ozobanikeza imininingwane emisha ngomthetho sisekelo njanjalo uma kubanoshintsho

UXHUMANA KANJANI NOKUGCINE KUNGOMTHETHO SISEKELO

Imininingwana yethu yokuxhumana ingatholakala lapha here.

The post Imibuzo Ejwayelekile Ukubuzwa appeared first on Keep It Constitutional.